Monseigneur, tout presentement à sept heures du matin, jay receu

ung pacquet de monseigneur de Gordes qui vous estoyt

adressé, et au mesme instant, monsieur de La Thivolière

et moy sommes allez aux prisons parler à Margailler

et au ministre pour leur faire entendre lintention de

mondit seigneur sur lemprisonnement du marchant d’Embrun

au chasteau de Vitrolles, presens ceulx qui poursuyvent

pour ledit marchant, tellement que le ministre qui debvoyt

estre cejourdhuy eslargy, sera encores detenu, attandant

le traictement qui sera faict audit marchant, pour

en recepvoir de mesmes. Ledit Margailler et ministre

escripvent au gouverneur dudit Vitrolles et eulx demandent

que silz font desplaisir à la personne dudit marchant.

Mondit seigneur de Gordes les menace de mesme peyne.

Monsieur de Saint André, auquel jay deslivré ung pacquet

adressé à monsieur Brunel, ma baillé celle de monsieur

Bellievre que treuverés cy enclose. Nous navons

chose du monde de nouveau, qui me fera finir

par mes très humbles recommandations à votre bonne

grace, priant Dieu qui vous doint

monseigneur, en parfaicte santé et longue vie. A

Grenoble, ce XIII janvier 1574

Votre très humble serviteur

Daragon

- TOME : XXII

- F : 15::

- EXPEDITEUR : Aragon, Hugues d', contrôleur du Domaine

- DESTINATAIRE : Guillaume de Portes, second président au parlement du Dauphiné

- DATE :

TYPE : reponse

CAT : reelle

- DATE : 1574-01-13

TYPE : expedition

CAT : reelle

- DATE : 1574-01-13

TYPE : expedition

CAT : affiche

- DATE :

TYPE : reception

CAT : reelle

- LIEU : Grenoble

TYPE : expedition

GPS : 45° 19' 91'' N ; 5° 73' 62'' E

- LIEU :

TYPE : reception

GPS :

- HYPERLIEN :

- BIBLIOGRAPHIE :

- NOTE : endossement : "letre de mon beau frère quil metra dans le paquet de monsieur de Gordes"